الارشيف / وكالات / شاشة نيوز

شاشة نيوز: جدل حول مصدر سيارات محمد رمضان الفاخرة

بعد السخرية منه بسبب "أنا الملك"
شاشة نيوز - وكالات - أثار أحد الناشطين عبر مواقع التواصل الاجتماعي موجة من الجدل بشأن السيارات الفاخرة التي يستعرضها الفنان محمد رمضان بين الحين والآخر.

ونشر إسلام الدمرداش صورة لتلك السيارات عبر حسابه على "فايسبوك". وكتب تعليقاً عليها: "أنا بس مشكلتي مع الفنان محمد رمضان في حاجة. إن الكام عربية اللي هو بيستعرض علينا بيهم دول شاريهم مستعملين من واحد برنس في نفسه كده عندنا في الإسكندرية اسمه ميشيل".

وأضاف: "ميشيل حد تقريبًا عنده قد دوول 5 مرات حاجات أحدث من كده بكتير، يمكن باعهوملك علشان هو راجل بيركب الأحدث دايماً. بس اللي انت ماتعرفهوش إن وأنا في إعدادي يعني من 15 سنة، كنت باخد درس جنب ڤيلا عم ميشيل الله يمسيه بالخير في سابا باشا على الترام وكان عنده Lamborghini Gallardo وFerrari Super America  مركونين في الشارع قدام كراجه اللي كل مصر عارفاه".

وأضاف: "وحاجات تانية كتير ما وعاش عليها الفترة دي علشان كنت بلعب بيهم لما بأجر ساعة في السايبر Need For Speed قبل اختراع النت وقبل ما يدخل البيوت ونشوف معاليك انت واللي شبهك".

وتابع: "الراجل ولا عمره قال أنا ملك ولا نزل حتى صور ليه جنب عربياته والناس هي اللي بتصوره في الشارع بالصدفة وهو معدي".
يذكر أن النجم المصري تعرض للكثير من الانتقادات بعد إصدراه فيدية كليب "أنا الملك". كما سخر منه عدد من النجوم. 

هذا المحتوي ( شاشة نيوز: جدل حول مصدر سيارات محمد رمضان الفاخرة ) منقول بواسطة محرك بحث مصر 24 وتم نقله كما هو من المصدر ( شاشة نيوز )، ولا يعبر عن وجة نظر الموقع ولا سياسة التحرير وانما تقع مسئولية الخبر وصحته علي الناشر الاصلي وهو شاشة نيوز.

قد تقرأ أيضا